за своите потрошувачи и да понудат нешто поразлично. И само во првата година од постоењето, на првите 6 им се приклучија уште 4 други трговски ланци. Денес ЛКА односно, Асоцијацијата на локални ланци на Македонија, брои 9 трговски бренда. 

Од Здружението истакнуваат дека сѐ уште се отворени за нови членки, а во моментов придобивките од здружените сили ги чувствуваат купувачите на Рептил од Скопје, Миса од Струга, Ангромаркетинг од Битола, Монтенегро од Гостивар, Тамаро од Охрид, Атва од Кичево, Астра од Свети Николе, Минекс од Кавадарци и Оаза од Тетово. Денес здружението располага со 113 продажни објекти во кои работат над 1500 наши сограѓани, а со годишниот приход за 2025 година од 131.5 милиони евра и бројот на продажни места, здружението се етаблира како еден од најсериозните играчи на пазарот на малопродажба.

Од Асоцијацијата на локални ланци истакнаа дека основата цел на нивното здружување е на потрошувачите да им се понудат пристапни цени на познати производи, но и понуда на брендови кои можат да се најдат единствено во маркетите на членките на овој ланец. Во тој список се кондиторските производи Sunrice, Celeste тоалетна хартија и брисачи, зрнести производи на Nutriland, конзервирани производи Hans, производи за домаќинство и лична хигиена Belora и сладоледите Ice Dream.

Од менаџментот истакнуваат дека тие интензивно работат на проширување на понудата на ваквите производи, но и на пласирање брендови од проверени домашни и странски произведувачи по акциски цени.

Покрај постојаната конкурентна понуда, во маркетите на Асоцијацијата секој викенд се одржуваат акции со значително намалени цени на одредени производи, а во плановите за во иднина се најавува проширување на присуството на ексклузивни производи како и понатамошно проширување и на бројот на членки.